عودة للمقابلات بعد انقطاع اتوقع هذي المقابلة السادسة يمكن بديت افقد
هالمرة ضيفتنا هي دانيا اسماعيل من مدونة
OBSCAR BEAUTY
استمتعوا بالمقابلة:
مساء الخير
كيفك دانيا اتمنى تنبسطي بهذا اللقاء الخفيف
اولا عرفينا على نفسك بدون رسمية؟ يعني اسمك مكان ميلادك ؟ ميلادك؟
اهلا اسمي دانيا من الرياض من مواليد 1990 شهر 2 , عمري 23
متى كانت بدايتك في التدوين ؟ وليش اخترتي التدوين من بين الكل ؟
بدايتي كانت ب شهر اوغسطس 2011 بديت لما ما كان في اي مدونات من الرياض يعني ممكن تقولي انا من الاوائل , و كنت خايفه ابدأ لان ما كانوا يعرفون الناس ايش مدونات و لا كنت اعرف ايش بيكون ردت فعلهم هل بيعجبهم الفطرة و لا لا , يعني كنت اخاف اتعب نفسي و لا احد يقراه و مريت بتحديات كثيره منهم ما كنت اعرف شي بتعديل الصور و كاميرتي كانت عادية جدا و ما كنت اكتب بالعربي لان ما كنت اعرف اعبر عن نفسي بالعربي و اخيرا تحسن هالشيء بدرجة كبيره و تعلمت كل شيء ممكن احتاجه للتدوين بنفسي و جدا فخوره بالهشيء
بديت التدوين لان كان يجيني اسئلة كثيره من صحباتي و اقاربي و من بنات الجامعه عن المايك اب الي استخدمه و ايش احب و اكره فقررت اجمع كل المعلومات بموقعي الخاص و افيد الكل مره وحده
مرحلتك الدراسية ؟ تخصصك؟
انا حاليا لسا بالجامعه ( متأخره شوي لاني اعتذرت سنه و نص ) و تخصصي ادب انجليزي
افضل وجهة سياحية؟
افضل وجهة سحاية بالنسبة لي كانت اسبانيا , البلدة جميلة جدا
صفة ماتحبيها في نفسك؟
صفه ما احبها فيني الكسسسسسل , جدا جدا كسولة بس احاول اتغير
نشاط تفضليه ؟
نشاط افضله : اليوغا و انصح الكل بتجربته لو مره وحده بتحسين براحه نفسيه
نصيحتك للبلوقر الجديدين في هذا المجال؟
نصيحتي للبلوقرز الجدد : تثقفي بالمجال اقرأي عن كل شيء , تعديل الصور , فوتوشوب , html , وكل شيء يتعلق بالتدوين
كيف قدرتي تكبري محيطك الاجتماعي؟
كيف قدرت اكبر محيطي الاجتماعي : شيلي من بالك فكرت الخجل , خليك اجتماعيه , اذا حضرتي ايفينت تكلمي مع الجميع , تكلمي مع بقية البلوقرز و دايما حطي فبالك ان الكل يحب يشوف كومينتس حلوه سواء من متابعينهم او بلوقر ثانيه بس هذا الي سويته
كيف كانت رحلتك الى دبي و تغطيتك لايفنت سبلاش ؟
رحلتي لدبي كانت جدا جميله و ممكن تقولين اول بزنس ترب لي و ان شاءالله مو الاخير , تعرفت على ناس كثيره رائعين بمجالهم
و اول مره احضر فاشن شو كبير و متعوب عليه مثل فاشن شو سبلاش
مين من البلوقر اللي لفتت انتباهك و تعرفتي عليها او حابة تتعرفي عليها ؟
من البلوقرز الي تعرفت عليهم اكثر و حبيتهم مره اسأل مجرب و امل من float 29
والله الجميع لفتوا انتباهي و كل وحده لها شخصيتها الخاصه و المميزه مستحيل تقارنونهم ببعض
لو احد حاب يراسلك او يرسلك هدية كيف الطريقة؟
بمجرد ان البنات يقرأون مدوناتي و يستفيدون منهم هدية بالنسبه لي
مقولتك المفضلة؟
Do not follow where the path may lead, go instead where there is no path and leave a trail" Ralph Waldo
Emerson"
احلى هدية من صحباتي ماكينة خياطة جديدة
ايش حلمك لهذي السنة؟
حلمي لهذا السنه ان اكون اقرب لتحقيق حلمي الاكبر و هو ان املك مشروعي الخاص
ايش اللغة اللي حابة تتعلميها؟
حابة اتعلم اللغه الاسبانية
لونك المفضل ؟
لوني المفضل الاسود و الليلكي
لو حابة تغيري حاجة في نفسك ايش راح يكون؟
ابغى اغير الكسل و اكلي اتمنى بس اكل صحي
ايش الشي اللي ينرفزك ؟
ينرفزني الناس الي يكرهون الحيوانات و يكونون عنيفيين او يشجعون العنف بالحيوانات الله يهديهم
رسالة لمتابعاتك؟
لمتابعاتي
اشكركم لتشجيعي بالتدوين, بالايام الي اكون فيها كئيبه و افكر اني اوقف التدوين ارجع اقرا التعليقات الحلوه و يتيغير مزاجي على طول
احبكم !!
شكرًا لجهودك
ردحذف