المقابة الثانية مع حبيبتنا قورجس بس هالمرة ياريت تكتبوا لو تعليق بسيط يعني شكرا مثلا انا ما اطلب شي صح >>> شايفة نفسها هالبنت
مرحبا قورجس كنت حابة اعمل مقابلة خفيفة عشان بس البنات يعرفوكي اكثر طبعا بعد اذنك راح انزلها بمدونتي
شي ثاني السؤال اللي ما يعجبك لا تجاوبي عليه عادي خذي راحتك
واذا تبي تضيفي شي كمان برضوا مافي مانع زيادة الخير خيرين
قبل ما ابدأ لا حظت من اغلب متابعاتك يسالوك هالسؤالين عشان كذا ماراح اسالك ياها لاني عارفة اسباب عدم ردك خاص فيك
اللي هي انتي من وين و ايش اسمك الحقيقي
يلا نبدأ >>>> مررررة متحمسة
عادي مشي الحالة هستيرية شوية
ميلادك؟
٢٥\٣\١٩٩٠
اخوانك و اخواتك؟
اخو واخت صغار ، الله يخليهم لي
افضل صديقة؟
كثار صديقاتي بس أقرب شي لي زوجي وهو صديق وليس صديقه p:
احلى اكله؟
الباستا ، الماكسيكان فود كلله :$ ، ساندويش فلافل ههههههههه
الذ عصير؟
ماشرب الا برتقال ولازم فريش :$
ماركة ملابس مكياج تفضليها؟
زارا \ بول اند بير \ اتش اند ام
ايش رايك في اللي يدخل المدونات يتفرج بدون ما يعلق او حتى يقول شكرا؟
بالنسبه لي يعلق تعليق يحسسني انو جد قرا المدونه او مو لازم يقول حتى شكرا ، ومادقق كثير بالتعليقات لان التويتر والانستقرام يكفون وويوفون ومع ذلك الحممدالله عندي اجمل متابعات تعليقاتهم بالمدونه كثييييره وتسعدني أكيد فربي يعطيهم العافيه :$
تخصصك؟ كمان هذا السؤال لا تجاوبي اذا ماتحبي عادي يختي اهم شي تنبسطي و انتي تجاوبي
.. لا بجاوب عادي هههههه تخصصي علوم معلومات والا وهو برمجه الحاسب ويب اعترف فاشله فيه وماحبه p:
وظيفة احلامك؟
يكون عندي بزنس خاص وشي أصحى كل يوم متحمسه له لاني اكره العمل الروتيني وخاصه الي بالوزارات !!!
افضل وجهة سياحية؟
أمريكا لان بتكون وجهتي القادمه ان شاء الله :*
موقف مضحك؟
صارلي ساعه احاول اتذكر بس كل مابقول شي طلع يفشل مايضحك فخليني ساكته ههههههههه
شي ينرفزك؟
انا بارده جدا جدا بس اكره الحنه والزن اتنرفز واعصب هههههههه
صفة ماتحبيها في نفسك؟
كثير افكر كثير كثير وابي اسوي اشيا كثيره بس اقول بكره الصبح بسوي ويجي بكره واقول بكره ويجي الي بعده واقول بكره الى ماله نهايه :$
اذا كنتي من اهل الرياض لا تجاوبي اذا العكس جاوبي ايش رايك في الرياض و ايش اكثر عجبك فيها و ايش ما عجبك؟
لا مو من اهل الرياض ، اكثر شي ماحبه الزحمه اكيد لول وكل شي مقفل يعني الواحد يروح مطعم طالع من بيت ٤ جدران ويجلس بمكان مسكر بكل مكان ماحب ههههه ، اكيد كل شخص وحسب ظرفه وفي ناس تحب الاماكن المغلقه بس بعض المطاعم الاماكن المفتوحه فيها مع انها مفتوحه بس تكتم :(( للان ماحصلت مطعم شرح ومايكتم الا مطعم دايموند حلو p: وشي ثاني احس الرياض ضيقه ههههه يعني لو تروحين الشرقيه تحسين شرحه والشوارع شرحه وفي مد للنظر هنا مباني وكل شي مززحوم والشوارع يمين ويسار مباني :( الشي الحلو بالرياض ممكن التنوع صح مو مره بس بالنسبه لغير مناطق فحلوه : )
شي تحبيه في نفسك؟
مابي امدح نفسي بس سألت الي حولي وقالو : ماحط عقبات كثيره ودايما استبسط الاشيا ، وانسانه بسيطه بالتعامل مع الناس احب انصح واساعد كثير ، احلم كثير وطموحه ، اكره الاتكاليه واحب اتحدى نفسي .. قلبي نظيف ماحب الحقد ولاعمري كرهت احد ! وماحب أأذي أحد أو أحبط فيه ، احب الحياه ومتفائله :)
اول شي يلفت نظرك في المراة؟
الهندمه وماقصد الكشخه او اي شي بس يكون شكلها مرتب وانيق
نشاط تفضليه؟
التدوين :$ واتابع كل شي جديد وقريبا بضيف الرياضه لقائمه نشاطاتي :)
لو احد يحب يرسلك هدية كيف يعني صندوق بريد او شي زي كذا؟
انتو اكبر هديه *كيفني وانا متواضعه هههههه* لا جد أفرح كثيير اذا احد تذكرني بشي حتى لو كان بسيط ، الهديه بالنسبه لي تقبل الطرف الاخر لي وَ اهتمامه فيني ومين مايحب انو الناس تحبه !! بس ممكن يتواصل معي بالايميل gorgeousta@gmail.com
مثلك الاعلى؟
مافي شخص اعتبره مثلي الاعلى ، اخذ من كل شخص مميزاته وأحاول أكون نفسه ، حتى لو أشخاص اتابعهم باليوتيوب احاول استفيد من كل شخص قدامي : ) بس اتطلع لوالدي الله يحفظه لي ، كيف كافح بحياته وكون نفسه مكانه بالمجتمع وان شاء الله بيوم بكون دكتوره مثله ، اتطلع لأمي الله يخليها لي كيف تحب يكون كل شي بيرفكت بالبيت \ الاكل \ اللبس وغيره ،، احب كشختها وتأنقها وحتى تقديمها للضيوف ماحس الناس تهتم بالشي هذا بس كربه بيت دايما وابدا اشوف امي شنو تسوي واحاول اقلدها واكون ربه بيت ناجحه :* وغير هذا احب طموح امي كيف كملت دراستها بعد ماربتنا وكبرتنا .. وبالاخير زوجي شخص ناجح بحياته الحمدالله ودائما احرص اكون ناجحه مثله .. كلهم مع بعض امثالي العليا هههههههه
مقولتك المفضل
DREAM BIG
افضل فيلم؟
كثيييييير افلام ، ادمان بعيد الشر :$ بس اخر شي شفته وعجبني كان
a thousend words لايدي ميرفي :")
افضل كتاب قراتيه؟
كنت مدمنه كتب وروايات بس حاليا مدري ليه مالي مزاج لها :(( بس اكثر كتاب عالق بمخي وحابته وأثر فيني كتاب مهارات دراسيه للدكتور نجيب الرفاعي ، قريته ايام الثانوي والحمدالله مرره ساعدني انجح واتشجع كثير ، انصح كل طالبه تقراه بيساعدهم ع النجاح
لو تحبي تغيري اسمك ايش راح تختاري؟
ماتوقع بغير اسمي ، احب اسمي كذا لانه مميز
لو حابة تتعلمي لغة جديدة ايش راح تكون؟
اسباني احس لغتهم جذابه وفاتنه لووول
لو تبي تغيري حاجة فيك ايش راح تكون؟
اغير الكسل الي فيني واكون مندفعه اكثر للحياه :$
معلومات الاتصال لقورجس:
تويتر :https://twitter.com/iGorgeousta
انستقرام:http://instagram.com/igorgeousta
ايميل:gorgeousta@gmail.com
الاسك: http://www.formspring.me/iGorgeousta
المدونة: http://igorgeousta.blogspot.com
ههههههههههههه اول ماوصلني الايميل قلت لايكون اسمي او من وين لان مابجاوب ههههه
فحلو واضح انك متابعه مميزه :$
شكرا ياقلبي ع الاسئله الجميله استمتعت وانا اجاوبها .. الاجوبه تحت كل سؤال ()
شكرا والله يسعدك :**
شكرا يااعسسسل :**
