اولا :
اغسل وجهي مرتين باليوم مرة بالصباح اول ما اصحى و مرة قبل ما انام .
ثانيا:
مرة بالشهر اعمل فتلة لوجهي .
ثالثا :
انتبه لنوعية الاكل اللي اكله ما يكون فيه زيوت يعني المقلي محذوف , احاول اقلل من الشوكلاته لانها تطلعلي الحبوب
اكثر من الموية و طبعا ماراح انسى المشي يساعد كثير .
رابعا :
اشتريت بعض المنتجات و جربتها و حبيت اعطيكم رايي فيها
اولا: منتجات اولاي
طبعا انا بس اشتريت الغسول و المرطب
الغسول يصلح للبشرة الدهنية و المختلطة
الغسول يعطيك بس انتعاش غير كذا مايسويلك شي بس الكريم حلو يرطب بشرتك ومايبين انها مزيته او فيها لمعة .
ثانيا : منتجات لوريال
مدري كيف اشتريته
العلبة الطويله تصلح كا تنور بس مايحسسك بانتعاش احس بشرتي كانها تلسع او تنحرق مجرد احساس بس ماصار شي في بشرتي
الكريم حلو بس ماراح ارجع اشتريه مرة ثانية .
ثالثا : منتجات غارنيه
اول شي القناع مررررة كويس ينظف بشرتك من اعماق اعماقها انا استخدمه مرة بالاسبوع
الغسول عادي مافيه شي احسه زي الصابون
البي بي كريم هذا حكاية طبعا لاصحاب البشرة الدهنية مايصلح بس قلت راح اجرب لان بشرتي بالشتاء مايبان فيها الدهون كثير بصراحة اعطيه 10 على 10 بس ياريت لو يسوون بي بي كريم للبشرة الدهنية اللي تجف بشرتها بالشتاء ممكن تستخدمه
اخر شي و اصغر شي مشكلتي اشتريت منه اثنين على اساس راح يخفف السواد اللي تحت عيني بس ما منه فايدة تندمت اني شريته
ما انصح فيه
رابعا: منتجات كليين اند كلير
طبعا انا شريته تقريبا قبل يومين فا ماراح اقدر احكم عليه بسرعة
يبيله فترة
خامسا : و اخر شي
البي بي كريم الكوري
انا شريت الاثنين من النت جبت الصور من النت لان بكاميرة الجوال ما طلع واضح
طبعا للبشرة الدهنية
الاول يصلح تستخدميه للسهرات او المناسبات لانه يعطيك طبقة ثقيلة
اما الثاني تقدري تقولوا انه بديل لغارنيه بما ان الى الان ماطلع بي بي كريم للبشرة الدهنية
انا دايم استخدمه بالجامعة حتى يعطيك لمعة خفيفة مرة حلو بصراحة انصح فيه
بما انه موجود في دبي و البحرين راح ارجع اشتريه من هناك لان الشحن كلفني كثير .
ليست هناك تعليقات:
إرسال تعليق